Post: Përdorimi i naftës Shqiptare

Përdorimi i naftës Shqiptare

PUBLISHED
Nafta e prodhuar në vend eksportohet kryesisht për tu përpunuar jashtë vendit. Konsumi i brendshëm përmbushet nga nafta e importit. Bazuar në të dhënat nga Administrata Doganore Shqiptare (tabela), eksporti i naftës rezulton të jetë rrthe 104% e naftës së prodhuar në vend në vitin 2013. Ky raport ka rënë në 77% të naftës së prodhuar në vitin 2014, kur nafta bruto e përpunuar përmes rafinerive vendase arriti në 22%.

Plotësimi i nevojave për naftë në vend
Nafta e papërpunuar e prodhuar në vend përfaqësonte 76% të kërkesave të brendshme matur në naftë bruto në vitin 2011. Pas rritjes së veprimtarisë së të licensuarëve private në këtë sektor, prodhimi i naftës u rrit në mënyrë të qëndrueshme me rreth 12% në vit deri në fund të vitit 2014. Në vitin 2013, prodhimi i naftës së papërpunuar barazoi në masën 98% konsumin e brendshëm matur në nafte dhe e tejkaloi atë me rreth 108% në vitin 2014. Bazuar në këto të dhëna, mund të supozohet se nëse totali i naftës së papërpunuar të prodhuar në vend do të përpunohej në Shqipëri, prodhimi vendas do ishte shumë afër përmbushjes së kërkesave për konsum të brendshëm.

Eksporti i naftës së papërpunuar

Në vitin 2013 dhe 2014, eksporti i naftës së papërpunuar ishte respektivisht 69.5 miliard Lek dhe 55 miliard Lek të cilat përbënin rreth 28% dhe 22% të totalit të eksporteve për secilin vit. Eksportet e naftës u rritën në mënyrë të qëndrueshme me një normë vjetore prej 30% nga viti 2011 në 2013, më pas u ulën me 20% në 2014 si pasojë e rritjes së aktivitetit të përpunimit të naftës brenda vendit.
Gjatë katër viteve të fundit nafta u eksportua kryesisht drejt vendeve të Evropës Perëndimore ku Italia shfaqet si importuesi kryesor i naftës, ndjekur nga Spanja dhe Malta.
Kthehu
Super Admin
Author
Oil & Gas
Category
23.12.2020 00:10
Created
23.12.2020 00:10
Updated
Attachments